تحقيق الأهداف
كيف تحقق أهدافك؟ عندك أهداف كثيرة في حياتك نفسك تسويها، وقتك ضيق، دائما مشغول، التزامات اجتماعية، طفش، العين بصيرة و اليد قصيرة. تشوف ناس تحقق اشياء كثير و لا تعرف انت ايش المفروض تسوي. عندك شيء لازم تنجزه و تتفاجأ بالوقت طار و سار لازم تخلصه و تقدمه بكره. كلنا مرينا بهذه التجربة و عندنا هذا الإحساس. كيف تقدر تحقق أهدافك و تشحذ همتك كل يوم؟ قسّم مهماتك و أهدافك الى يومية و أسبوعية و شهرية و سنوية. حدد كل مهمة و حط لها جدول زمني تنفذها خلاله. حدد أولوياتك لأن وقتك محدود. ابدأ بالاهم ثم المهم. الوقت لا يعني الفلوس و لا يساوي الفلوس. الفلوس تجي و تروح لكن الوقت اذا راح ما يرجع. ما راح تقدر تسوي كل شيء اذا ما سويت اي شيء. عشان كذا لازم تقسم المهمة الواحدة الى خطوات اصغر تحققها كل مدة. مثال على المهمة اليومية: كان عندي اولوية اني اقرأ قرآن كل يوم. طبعا تركتها للظروف و "اذا فضيت" و "اذا صار الوقت مناسب عشان الخشوع" ما قرأت و لا آية. حطيت في جدولي اليومي قراءة عدد صفحات معين. و اعتبرته مهمة يومية. ما يعدي اليوم الا اذا اتممتها. نجحت في هذه المهمة....